كأحد المصريين العاملين فى الخارج ، النص ينقصه نقاط كثيرة ومتعددة من أهمها : تسهيل عودة المصريين بالخارج للوطن بأغراضهم ( هل يعقل بعد سفر أكثر من 10 سنوات وتحويلاتنا للوطن لإنعاش الإقتصاد يتم ذبحنا فى جمارك سيارة بعد مدة زى كدة قضيناها خارج بلدنا وبعضنا أكثر من 20 سنة ) وأنا لا أقصد 0 % جمارك ولكن زى ما إحنا سافرنا وريحنا البلد من همومنا وكمان ساهمنا بتحويلاتنا فى إنعاش إقتصاد الوطن ووفقاً لمبدأ العدل ، والدستور اللى يسعى للمساواه و العدل يجب على الوطن برضه يراعينا . خاصة بنرجع وأعمارنا بتكبر وصعب جداً ندخل سوق العمل تانى . وياريت المسئولين كل المسئولين فى الدولة وخاصة محافظى المدن التالية ومدراء الموانئ البحرية فيها : الغردقة ( ومعاها سفاجا ) ونويبع يشرحوا لنا عن أسباب المهازل ، أكرر : المهازل والإستغلال اللى نتعرض له وإحنا جايين لوطننا لقضاء أجازاتنا السنوية إستغلال مادى تنظيم الإجراءات ذو مستوى تحت الصفر . نظافة أرض الميناء أكثر من مخجلة ( مع إننا بندفع حوالى 1800 جنية رسوم وإجراءات ده لو مافيش معانا أى شئ لايخضع للجمارك تخيلوا المبلغ ده ، هل ده منطق ؟ أم دبح للمصريين بالخارج ؟ الأمر يبدو إسحلال لدمائنا وأموالنا ، وأنا على إستعداد تام لمناقشة أى مسئول فى هذا الموضوع سعياً للتطور الإيجابى وليس لتعرية المسئولين فى الوطن .